Nostallegasie 2026 Edisie 2
weurt nuij leve ingebloze door ‘t
Mestreechs Vastelaoves Orkes
en wel op zaoterdag 7 fibberwari 2026.
Ouch dit kier weurt alles in ‘t werrek gestèld um in de Greune zaol te Wolder get biezunders te make vaan de Nostallegasie.
D’n tendens tot ganse gróppe/femilies nao de Nostallegasie koume, is ‘n teike tot ‘t Fies leef oonder vastelaovendvierend Mestreech
Ouch noe hope v’r weer te zien wieväöl tied gespendeerd weurt aon ‘t make vaan de mies fantastiese kreasies.
‘T is en bleif e geweldig fies en gelèt op de reaksies zier de meujte weerd dit weer op te pakke.
En zoe wiet geer zeker nog veers in eur geheuge höb stoon goon veer ouch weijer mèt ‘t Naaks geval veur de bès verkleijde gróp of einling.
Zoonder einige angs dörve veer de veurspelling aon ‘t koumend bal dat alle veurgaonde jaore geit euvertreffe en tot ‘t e bal weurt boe lang euver naogesproke zal weure.
Dit Oerfies weurt ouch noe opgeluusters door versjèllende gasoptreijjes en e bezeuk vaan zienen Hoege Hoeglöstegheid vaan groet Mestreech.
Meh dink draon: Vol = Vol
Gere tot 7 fibberwari 2026!
Kaarte veur d’n aovend zien te bestèlle via de onderstaonde knop
Aonvaank 20.11 oor
Zaol ope vaanaof 19.00 oor
Adres vaan de zaol: Tongerseweg 336, 6215 AC, Mestreech (Wolder)
‘t Nostallegasiebal weurt mede meugelek gemaak door:
